عندما نقول الحمدلله

سامي العثمان

عندما نشكر الله فاننا نزداد اجر ورحمه ومغفرة فرضى الله سبحانه وتعالى وزيادة الخير لشكره وحمده تتجلى في اسمى معانيها على الانسان الشاكر لنعم الله التي لاتعد ولاتحصى، استوقفت كثيراً امام ماذكره الدكتور العلامة المصري مصطفى محمود رحمه الله واسكنه فسيح جناته لقصة حدثت معه شخصياً يقول فيها :كان رجل بيبيع جرايد بجانب حديقة الحيوانات بالجيزة وكنت اعدي عليه كل يوم بعد توصيل زوجتى للعمل واقف معه شويه وبعدين اشتري منه صحيفة الاهرام علشان اتعلم اسلوب الكتابة لكنه علمني حاجة اهم من ذلك،هذا الرجل علمني درس مهم جداً للعمر، لما كنت اسأله ازيك النهار ده يقولي “في نعمة الستر” فاندهشت من الاجابة ليه الستر تحديداً؟ قال لي لاني مستور من كله، رددت عليه ستر ايه ياحج ده انت االبلوفر بتاعك فيه رقعتين مختلفتين اللون، فلما آحس بغبائي فبادر بالشرح:
قال الستر ده انواع
لما تكون مريض بس قادر تمشي على رجلك ده ستر من مذلة المرض!!
جيبك يكون فيه جنيه يكفيك تنام متعشي حتى ولو عيش حاف ده ستر من مذلة الجوع !!!
لما تكون ملابسك تحميك من البرد حتى لو مرقعة ده ستر من مذلة البرد !!!
لما تقدر تضحك وانت حزين لاي سبب ده ستر من مذلة الكسرة!!!
لما تكون قادر تقرأ الجريدة إللي في ايدك ده ستر من مذلة الجهل !!!
لما تقدر تتصل في اي وقت بأهلك تطمنهم عليك وتطمن عليهم ده ستر من مذلة الوحدة!!!
لما تكون عندك اي وظيفة حتى لو بياع جرايد زي حالاتي بس مش تمد ايدك لحد ده ستر من مذلة السؤال!!!
لما يكون ابنك ربنا مبارك في صحته وتعليمه وبيته ده ستر من مذلة القهر!!!
لما يكون عندك زوجة بنت حلال وشايله الهم معاك ده ستر من مذلة كسرة الراجل قدام مراته !!!
الستر يابني مش ستر فلوس الستر ستر النفوس، تذكر انك تملك نعم يتمناها ملايين البشر انها نعمة الستر،
يبقى ان اقول ايها السادة مهما تعلمنا فهناك من يعلمنا الحكمة حتى وان كان بسيط في حياته فقيراً في معاشه ولكنه استاذ في علوم الحياة وتجاربها ويقدم اروع الدروس لاكثر الناس علماً ومعرفه .