بقلم/ محمود مرسي
بعدما أمرت النيابة باخلاء سبيل المدعو محمود حجازي اللي بيقولوا عليه فنان بكفالة 50 ألف جنيه بعد اتهامه باغتصاب فتاة سويسرية وهو في حاله سكر.
التيك توك وسيلة الخراب
البداية أن الفنان محمود حجازي، بدأ يظهر في لايفات كتير على تيك توك، وكان الهدف منها اصطياد بنات عبر التطبيق.
ودا علي حد كلام متابعيه علي “الابليكشن” ومن خلالها اتعرف على بنت أجنبية من النمسا
لايف ورا لايف، العلاقة بينهم قرّبت، وهي قالتله إنها حابة تنزل مصر وتعمل مشروع مستحضرات تجميل
محمود قالها إن الموضوع سهل، وإنه نجم معروف في مصر وعلاقاته قوية بفنانات كتير.
الفتاة نزلت مصر، وهو طلب منها يروح يشرب معاها شاي في الفندق اللي نازلة فيه، فوافقت، ولما وصل قالها عايز يشوف النيل من بلكونة أوضتها، وبالفعل طلّعته الأوضة
حسب أقوالها، كان سكران وقعد معاها حوالي ساعة جوه الأوضة، وبعدها اعتدى عليها جنسياً، وحاولت تدافع عن نفسها بس مقدرتش
تهديدات خوفا من الفضيحة
وأضافت إنه هدّدها بالقتل لو اتكلمت أو جابت سيرة اللي حصل.
فخافت وفضّلت ساكتة من يوم 6 يناير اللي فات لحد من كام ساعة، لما راحت القسم وحررت محضر، وبعدها تم القبض عليه
محمود حجازي خلال التحقيقات اعترف إنه اتعرف عليها عن طريق تيك توك.
وراح فعلًا الفندق، لكنه أكد إنه مكنش سكران ومفيش أي حاجة حصلت بينهم
وكمان قال إنه اكتشف بعد كده إن الفتاة دي صديقة مراته الأمريكية، وإن اللي حصل كان فخ مدبّر عشان توقعه وتاخد حقها منه، بعد ما ضرب مراته ومنعها من السفر هي وابنه.
محمود حجازي طلع مؤذي
من ناحية تانية، صديقة الفتاة الأجنبية طلعت من شوية وكشفت مفاجآت كبيرة.
وقالت إن محمود حجازي شخص مؤذي وبيستهدف بنات مصريات وأجنبيات من خلال تيك توك
و أكدت إنها اتأثرت جداً لما سمعت قصة زوجته من السوشيال ميديا، وسمعت حكايات كتير كانت عكس اللي قالهولها، وكمان كانت عايشة تحت تهديد
و أضافت إن لايفاته دايماً بيحصل فيها تصرفات غريبة، ودايمًا مليانة ستات.
محمود حجازي كان بيتكلم عن مشروع ناوي يعمله في دبي ويجمع فيه كل الستات اللي يعرفهم على تيك توك، وده خلاها تشك وتخاف إن الموضوع وراه حاجة غير أخلاقية، فقررت تبعد عنه
ودلوقتي محمود حجازي اتعرض على الطب الشرعي للتأكد من صحة اتهام الفتاة الأجنبية.
في النهاية يا سادة حابب أقول أن محمود حجازي مثال للعديد من الفنانين اللي مستخبيين خلف ستارة الفن لإشباع غرائزهم الجنسية.
ولسه الايام هتكشف حقيقة الفن الهابط اللي بيتقدم عندنا في مصر لإصطياد العاهرات ولكم في المخرج خالد يوسف أكبر مثال.
