فاطمة كرم
جريمة قتل وزنا بطلها الام، طمعا في الشهوة خربت بيتها و ضيعت حلم بنتها و تخلصت من زوجها و خدت إعدام.
التفاصيل … ربة منزل طمعت في عريس بنتها حبت تعيش حياتها من جديد، وترجع لأيام المراهقة، و تتجرّد من أمومتها، وتدخل في علاقة محرّمة مع خطيب بنتها ومش بس كدة.
الاتفاق بينهم وصل لحاجة أبشع.قرروا يخلصوا من جوزها، ويزيحوه من طريقهم عشان يعيشوا قصتهم المسمومة في العلن.
استنت لما الدنيا تهدى، ورسمت خطتها بهدوء شيطاني…قالت لجوزها:”أنا سامعة راجل تحت… يمكن حد دخل عند المواشي، انزل شوف في إيه؟!”
طبعًا بكل ثقة نزل الزريبة، ولا كان يتخيل إن أقرب الناس ليه بتسلمه للموت بإيديها لكن الغدر كان مستنيه خطيب بنتها كان مستخبي،وضـربه بحجر بكل جبروت زي ما كانوا متفقين.
لكن يشاء العليم إن رصيد الستر يخلص واللي اتبنى على خيانة ودم ما يكملش.انكشفوا ولبسوا البدلة الحمراء و فاقوا بفضيحتهم و ذلهم و كسرتهم و دفعوا تمن أفعالهم الحرام و عارهم قدام الكل.
وقضت المحكمة باحاله أوراقهم الي فضيلة مفتي الجمهورية.
